HERVORMDE GEMEENTE WELTEVREDEN

NEDERDUITSCH HERVORMDE SUSTERSVERENIGING (NHSV)

www.nhsv.co.za 

Grondslag

Die NHSV is gegrond op die Bybel as die Woord van God, en handhaaf die belydenis van die Nederduitsch Hervormde Kerk van Afrika soos uitgedruk in die formuliere van eenheid, in ooreenstemming met die riglyne van die Kerkorde.

Reeds vir 64 jaar is die NHSV as Diensorgaan van die Nederduitsch Hervormde Kerk van Afrika op georganiseerde wyse besig om diensbaar te wees deur

 * vrouelidmate geestelik te verryk en onderlinge verbondenheid te bevorder

* barmhartigheidsdiens op plaaslike en Nasionale vlak te doen

* die belange van die gemeentes en die Nederduitsch Hervormde Kerk in die   algemeen te bevorder en

* fondse in te samel om bogenoemde doelstellings te bereik.

Die naam “Nederduitsch Hervormde Sustersvereniging” verklaar ons gebondenheid aan ons geliefde Kerk.

* “Nederduitsch Hervormd”  - dui op die wortels en oorsprong van ons Kerk.

* “Susters”  - beteken dat ons deel is van die gemeente van Christus waar almal mede- broers en susters is.

* “Vereniging” – die NHSV is ‘n selfstandige welsynsorganisasie met ‘n eie struktuur & konstitusie wat voortdurend hersien word om in lyn met die Kerkorde van die Nederduitsch Hervormde Kerk te wees.

 “Ek beveel ons suster Febe………..by julle aan. Ontvang haar soos dit mense wat in die Here glo, betaam, en staan haar by in enige saak waarin sy julle hulp nodig kry, want sy was vir baie, en ook vir my, tot steun.”  (Rom 16)

Voorsitter NHSV Weltevreden

Mev Mari-lizé Beukes

Selfoon: 082 562 9399

E-pos: m.beukes@mweb.co.za